تريندات

نكت مضحكة للغاية – تريندات

في التجمعات العائلية، وتجمعات الأصدقاء، نبحث دائمًا عن نكت مضحكة للغاية نتبادلها مع الأهل والأقارب والأصدقاء، فإن كنت لا تتذكر آخر نكتة، نقدم لك في هذا المقال مجموعة من النكت المضحة المعروفة والجديدة.. تابعنا.

نكت مضحكة للغاية

  • نبدأ مع  نكت جميلة ومضحكة الحمار في فرح أسد فقال له الأسد بس أنا معزمتش
    حمير أيه اللي جابك فرحى، قاله أنا كنت زيك أسد ولما أتجوزت بقيت حمار.
  • واحد رخم نزل الشارع ملقاش حد يرخم عليه قام وقف قدام العمود وقاله عديني.
  • مره نمر كان بيجري ورا عربية عشان يعاكس النمرة.
  • واحد صعيدي حب واحدة، راح أتجوز أختها عشان يضمن يشوفها كل يوم.
  • واحد بيتقدم لواحدة أبوها طلب منه مهر بـ 50 ألف جنيه، قالوا ليه يا عم الحاج
    هو أنت حسبت الكيلو بكام.
  • كان فيه مرة سلحفاة دخلت مطعم وطلبت رز، قام الجرسون شلها رماها بره،
    رجعتله بعد شهر وقالته طب متزقش بس.
  • عشر صعايدة كانوا بيحششوا البوليس كبس عليهم خمسة منهم اتمسكوا
    وخمسة استخبوا فى عربية البوكس

نكت مضحكة قصيرة مصرية

  • نقاش بنته تعبت سنفرها برة.
  • خياط مشي في حتة مقطوعة خيطها.
  • تلاتة مساطيل ركبوا طيارة هيلوكوبتر حسوا بالبرد قاموا طفوا المروحة.
  • مرة have ضربت has قامت has قالتلها has بي الله ونعم الوكيل فيكي.
  • نجار عجبه بوست راح مشنيره.
  • مرة فكهاني اتخانق مع صاحبه سب التين.
  • شرطي مرور خلّف ولد بيتكلم بالإشارة.
  • مرة واحدة اسمها ساندي دخلت هندسة بقت ساندي متر مربع.
  • واحد خبطته عربية أخد تعويض 50000 وقف قدام القطر قاله خش عليا يا أبو الملايين.
  • مرة صيدلانية أغمى عليها عشان شافت فارماسي على الحيطة.
  • ميكانيكي اشترى سرير نام تحته.
  • مرة واحد جبان عاوز ينط من الدور العاشر، قام نط من الدور الخامس مرتين

نكت ضحك موت

  • واحد صعيدي عنده أرق ومش عارف ينام.. صاحبه قاله عندي لك طريقة للنوم
    مؤكدة عد من واحد لـ 500.. بلدياتنا مكدبش خبر وأول ما الدنيا ليلت راح للسرير
    وبدأ يعد.. واحد.. اثنين.. ولما وصـل إلى ميه تسعة وتسعين… جاله النوم…
    قام غسل وشه ورجع للسرير يكمل العد.
  • اتنين صحاب واحد حرامي وواحد ندل واتفقوا كل واحد يعلم التاني صنعته، فراحوا الاتنين مع بعض اتوبيس وقام الحرامي سرق محفظة من راجل وبص لصاحبه وقاله اتعلمت السرقة؟ قاله اه، فرد عليه التاني يلا علمني الندالة
    بقا قاله عنيا.. ونادى على الراجل وشاور على صاحبه وقاله الراجل دا سرق محفظتك.
  • مرة واحد صعيدي كان عايز يسافر فرنسا ومش بيتكلم فرنساوي راح لصاحبه وقال
    له أنا عايز أسافر فرنسا أتكلم فرنساوي إزاي؟ صاحبه قاله الفرنسية سهلة جدًا
    كل ما تقول كلمه ضِيف عليها (و) الصعيدي راح فرنسا ودخل مطعم وقال للجرسون
    أريدو واحدو رزو وواحدو لحمو فقال الجارسون (باردو) فقال له الصعيدى لأ (سخنو.)
نكت مضحكة جدا جدا جدا
  • بلديتنا عايز يعلم ابنه إنجليزي راح إبتدائي منفعش، راح ثانوي منفعش،
    راح الجامعة منفعش، قال لازم أوديه إنجلترا وأجوزه واحدة من هناك عشان
    يعرف يتكلم إنجليزى، راح في الصباحية بيقولها “مستر هريدي موجود؟” قالتله
    “نجولو مين؟”.
  • كل يوم ست تصحي جوزها، وتقوله اصحى في صوت في البيت أنا خايفة ليكون في حرامي.. فقالها الحرامي لما بيدخل البيت مش بيعمل صوت، وتاني يوم صحته وقالتله اصحى دا مفيش صوت أكيد في حرامي في البيت.
  • مرة واحد حرامي سرق كرسي من القهوة وطلع يجرى صاحب القهوة شافه طلع
    يجرى وراه الحرامي اتزنق فقعد في نص الشارع وقال للقهوجي هاتلي واحد شاي.
  • واحد كان بيتكلم مع صاحبه، وقاله أنت عارف أن في 3 أنواع من الهم.. فرد عليه أيه هما؟
    فقال في هم يبكي وهم يضحك وهم يا جمل.
  • مرة محامي فافي قوي كان بيدافع عن واحد اسمه محمد في تهمة قتل، فراح
    للقاضي وقاله هاي قاضي، القاضي: هاي، المحامي: أنت شوفت محمد وهو
    بيقتل يا قاضي، القاضي: لا، المحامي: كوبة يا قاضي يلا يا حمو.
نكت مضحكة قصيرة
  • ولد بيسأل أبوه هي الحمير بتتجوز؟ قاله يا بني مبيتجوزش أصلاً غير الحمير.
  • ولد بيسأل أبوه هو الحب أعمى رد عليه أبوه بص في وش أمك وأنت تعرف.
  • كسلان دخل الامتحان وقع منه القلم سلم الورقة.
  • واحد مشغول أتجوز واحدة مشغولة خلفوا عيل مش فاضيلهم.
  • واحد رجع في كلامه خبط اللي وراه.
  • واحد خلقه ضاق أعطاه لأخوه الصغير.
  • غبي وقع أدوله مرهم وقالوله ادهن مكان الإصابة راح دهن السلم.
  • مرة مدرس رياضيات خلف ولدين واستنتج التالت.
  • واحد خلف 7عيال سمى نفسه سفن اب.
  • مرة القمر كان عايز يتجوز الشمس قالتله أتجوز واحد صايع طول الليل.
  • واحد عرف أن الجلد موضة مشي عريان.
  • مرة واحد بلع فوطة ريقه نشف.
  • واحد اتصل بصاحبه فبيقول له انت نايم، رد عليه لا انا برد من الحلم.

ومن هنا نكون قد تعرفنا إلى نكت مضحكة للغاية مكتوبة، والآن: إن كنت تبحث عن المزيد من النكت يمكنك الاطلاع على نكت مضحكة مصرية ولا تنسى في ختام هذا المقال ان تشاركنا آخر نكتة تعرفت إليها.. شاركنا.

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً
إغلاق
زر الذهاب إلى الأعلى