10:53 ص
الثلاثاء 26 ديسمبر 2023
علق رضا عبدالعال نجم الزمالك السابق، بقوة على تجديد أحمد فتوح مع نادي الزمالك لمدة 3 سنوات خلال الساعات الماضية.
قال رضا عبدالعال في لقاء تلفزيوني عبر قناة “ten”: “أنا عمال اتشتم من امبارح بسبب تجديد عقد فتوح، طب وأنا مالي هو أنا اللي جددتله، أنا قولت فعلا لازم إدارة الزمالك تتمسك ببيعه”.
أضاف: “تجديد عقد فتوح كارثة على نادي الزمالك، هو انت لما عرضته للبيع حد قدم عرض؟ سواء الأهلي أو أي نادي تاني مافيش حد سأل أصلا”.
أكمل: “فتوح ضحك على نادي الزمالك، لأن لو فيه حسن نية من اللاعب كان خرج بعد أسبوع من الأزمة وقدم اعتذار للجماهير ومالوش دعوة بمجلس الإدارة ويقول أنا مش هجدد”.
أوضح: “اللي عمله مجلس الزمالك بتجديد عقد فتوح، هيبوظ غرفة اللبس أكتر ما هي بايظة، اللاعب بقى خلاص ما فيش عروض قال لما ألحق نفسي وألم الفلوس من الزمالك وأجدد”.
